Proxectos
Arquivo Galicia Medieval
 | Cantigas de Santa María |
| O Proxecto Cantigas de Santa María forma parte de Arquivo Galicia Medieval, incorporando a parte de poesía relixiosa á lírica profana. | |
 | Lírica Profana Galego-Portuguesa |
| O proxecto naceu co obxectivo de proporcionar instrumentos de traballo fiables e de fácil acceso para os estudosos da lírica galego-portuguesa. | |
 | Prosa Literaria Galega Medieval |
| O Proxecto pretende consevar e difundir a través de edicións impresas e electrónicas os textos en prosa escritos en galego durante a Idade Media. |
Lingüística
 | Bibliografía Informatizada da Lingua Galega (BILEGA) |
| Bibliografía analítica deseñada como base de datos relacional que ofrece información sobre traballos de investigación, divulgación e opinión que teñen por obxecto a lingua galega en calquera das fases do seu desenvolvemento histórico. | |
 | Corpus Documentale Latinum Gallaeciae (CODOLGA) |
| O Corpus Documentale Latinum Gallaeciae é un corpus textual con documentación latina medieval relacionada con Galicia no período cronolóxico que abrangue desde o século VI ata o XV, ambos inclusive. | |
 | Corpus de Referencia do Galego Actual (CORGA) |
| O Centro Ramón Piñeiro para a Investigación en Humanidades inclúe, entre os seus obxectivos fundacionais, o deseño e o desenvolvemento de recursos informáticos que axuden á incorporación da lingua galega ao mundo das novas tecnoloxías da información. Co proxecto CORGA preténdese contribuír a ese obxectivo, poñendo a disposición da comunidade científica un novo recurso accesible a través de Internet que posibilite a obtención de datos para o estudo de aspectos morfolóxicos, sintácticos e léxicos da historia recente da nosa lingua. | |
 | Dicionario Galego-Italiano |
| Obra lexicográfica orientada a falantes galegos que desexen producir textos en lingua italiana. O lemario consta dunhas 20.000 voces e completará o volume Italiano-Galego, publicado polo Centro Ramón Piñeiro no ano 2000. | |
 | Etiquetador/Lematizador do Galego Actual (XIADA) |
| O obxectivo do proxecto é o desenvolvemento de ferramentas que permitan o recoñecemento e a análise automática do galego actual. En particular, ten especial interese o desenvolvemento dun etiquetador e lematizador de moi alta precisión que permita etiquetar e lematizar automaticamente os documentos do proxecto CORGA, e poder así desenvolver un sistema de consultas que utilice información lingüística (etiquetas, lemas, categorías gramaticais, etc.). | |
 | Sintetizador de voz para o galego (CoToVía) |
| A construción dun sintetizador de voz para o galego, que se está a desenvolver no Centro Ramón Piñeiro para a Investigación en Humanidades, é un proxecto interdisciplinar no que traballa un equipo integrado por enxeñeiros superiores de Telecomunicacións da Universidade de Vigo e lingüistas da Universidade de Santiago de Compostela. |
Literatura
 | Bibliografía da literatura galega |
| Reúne toda a infromación relacionada coa literatura galega contemporánea, dende 1800 até a actualidade. | |
 | Dicionarios de literatura |
| Gran dicionario xeral de termos literarios, que inclúe voces referidas a Retórica, Métrica, Semiótica, Poética, Marratoloxía, Ciberliteratura, Hermenéutica, etc. | |
 | Informes de literatura |
| Os Informes de literatura son un observatorio da Literatura galega. Realízase anualmente e neles acóllese a produción anual de e sobre Narrativa, Poesía, Teatro, Día das Letras Galegas, Ensaio. Teoría Xeral. Crítica. Biografías. Crónicas, Clásicos greco-latinos, Literatura infantil e xuvenil, Literatura de transmisión oral, Revistas, Premios, Literatura medieval, Folletos de novidades editoriais e Páxinas web. | |
 | Narrativa Recuperada |
| Recuperación da narrativa galega decimonónica (groso modo, último tercio do S. XIX e primeira quincena do S. XX) esparexida, na maioría dos casos, en revistas e xornais do amplo ámbito da galeguidade. | |
 | Recuperación de prensa galega emigrante |
| Recuperación de prensa galega emigrante (tanto xornais como revistas). Edicións facsimilares (ou en CD) daquelas cabeceiras da nosa prensa emigrante no alén mar, con especial atención a desenvolvida en Cuba, Uruguai e Arxentina, pero tamén México e Venezuela. As edicións levan diferentes estudos, datos da prensa dos diferentes países, índices e referencias biográficas. | |
 | Recuperación de textos poéticos galegos |
| O proxecto está centrado no estudo e edición de textos poéticos galegos anteriores a 1936. Tentamos así dar oportunidade de saída editorial a textos de certo relevo que por diferentes razóns foron pouco ou nada coñecidos e non circularon con normalidade, algúns deles inéditos ata hoxe mesmo. | |
 | Recuperación de revistas poéticas galegas |
| Recuperación (en edicións facsimilares ou en CD) de revistas galegas poéticas ou poético-literarias máis xenericamente e aínda literario-culturais. Estudo preliminar e índices e notas bio-bibliográficas. | |
 | Cadernos Ramón Piñeiro |
| Esta liña do noso traballo quere homenaxear a Ramón Piñeiro na colección de cadernos que leva o seu nome e que, á altura de comezos deste 2007, leva dez números, algúns deles dedicados á figura de don Ramón e outros a temas e cuestións filosóficas, estéticas ou biográficas referidas sempre ao noso ámbito cultural e lingüístico. Boa parte destes cadernos está integrada polas obras gañadoras do Premio Centro Ramón Piñeiro de ensaio curto que promove o noso Centro e que no presente ano vai pola quinta convocatoria. |
Outras Humanidades
 | Proxecto para a Avaliación e Aprendizaxe de Galego |
| O proxecto botou a andar co obxectivo de deseñar probas que permitan a acreditación do coñecemento de lingua galega de acordo cos parámetros marcados por ALTE (Association of Language Testers in Europe). | |
 | Fraseoloxía galega |
| Entre os seus obxectivos están a construción dun Tesouro Fraseolóxico galego, o impulso dos estudos fraseolóxicos e fraseográficos en Galicia e a tradución ó galego de obras de referencia da fraseoloxía eslava. |
